Mikið er ég glöð...

...að einhver sé farinn að hugsa um hagsmuni annarra íþróttagreina og banna þetta bölvaða harpix. Harpix er svo klístrað að það festist við gólf og aðra húsmuni og skapar hættu fyrir íþróttafólk sem kemur inn í íþróttasalina á eftir handboltaliðunum. Austurberg er eitt af þeim íþróttahúsum sem hefur hingað til verið á kafi í Harpix og þykir fæstum blakmönnum gott að spila þar (tek það sem dæmi, þar sem ég spila blak). Þegar við Þróttarar keppum við HK þá þarf oft að skúra gólfið þar oftar en einu sinni áður en við getum komist inn á gólfið vegna klístursins á gólfinu.

Einna verst finnst mér að horfa upp á alla fimleikakrakkana í Stjörnunni sem æfa berfætt og eiga það á hættu að stíga í Harpixklessur á gólfinu. Það er ekki smekklegt. En blessunarlega nær starfsfólk að þrífa Ásgarð mjög vel eftir handboltaleiki.

Vandi út af harpixbanni

Athugasemdir

[Sverrir Einarsson, 2.10.2008 kl. 12:15]

Getur þetta ballerínu fimleikafólk þá ekki bara æft í öðrum húsum en handboltasölum?

Ég þykist vita svarið en snúðu því þá bara við uppá sjálfa þig og gáðu hver útkoman verður.

Eigðu svo góðan og liðugan dag,,,,,,stofugólf eru nægt pláss fyrir frjálsa fimleika og þar ætti ekki að vera neitt "klístur" nema ef vera kynni bónklessur á gólfum sem auðvelt ætti að vera að fjarlægja með góðri skúringartusku.

[Örn (IP-tala skráð) 2.10.2008 kl. 14:09]

Sorry en það þarf alltaf að þrífa gólfið eftir þetta fimleika fólk. Gólfið er allt í hvítu dufti eftir þetta lið sem er mun hættulegra að stíga á en harpix.
Þannig harpix er ekki allt vandamál íþróttahús.

[Helga (IP-tala skráð) 2.10.2008 kl. 15:59]

Sælar!

Handbolti er ekki stundaður í Ásgarði lengur, það er komið nýtt hús sem er bara fyrir handboltann í Stjörnunni - Mýrin. Fimleikakrakkarnir geta því æft sig í friði frá harpixinu :)

kv. Helga

[ÓÁS (IP-tala skráð) 3.10.2008 kl. 00:42]

Get ekki séð að það þurfi að rökræða þetta eitthvað,það þarf aðstöðu fyrir margar greinar allstaðar á landinu og handbolti er ein af mörgum,vandamálið er að flest íþróttahúsin sem eru byggð með mikilli þröngsýni og úreltrar löggjafar um styrki hins opinbera.

Held að fólk ætti frekar að tala um rót vandans !!!! Of lítil og léleg aðstaða í Reykjavík !

[Ásthildur Gunnarsdóttir, 15.10.2008 kl. 12:04]

Helga, leikir eru ennþá spilaðir í Ásgarði og eins og ég sagði eru húsverðir í Ásgarði einstaklega natnir við þrifin og maður finnur lítið fyrir þessu. Austurberg er hins vegar allt annar handleggur, en maður fær á tilfinninguna að það hús sé ekki þrifið yfirhöfuð.

En eina athugasemdin sem eitthvað vit er í er frá ÓÁS. Það er mikið rétt að rót vandans er aðstöðuleysi, það þekkir maður vel eftir að hafa setið í stjórn íþróttafélags sem "á" ekkert hús eins og Þróttur Rvk.